Dita e Veres

“Dita e Verës” kremtohet çdo 14 mars dhe është shndërruar tashmë në një festë mbarë shqiptare që festohet nga veriu në jug të vendit, por sipas riteve dhe traditës së secilës krahinë.

Kjo festë e lashtë dhe e trashëguar brez pas brezi në vendin tonë, simbolizon ardhjen e stinës së pranverës. Për herë të parë në Vlorë kjo festë u organizua në zonën historike TID Vlora nga AADF, Bashkia Vlorë dhe TID Vlora.

Koncerti madhështor për Ditën e Verës

Në sheshin e madh u ngrit një stage, foni dhe u vendosën ndriçime profesionale. Tingujt e muzikës e shoqëruan festën gjatë gjithë ditës. Aktivitetet ishin nga më të larmishmet, si koncertet live nga artistë të mirënjohur si Rovena Ibrahimi, Bruno & Klajdi, kërcime nga Star Dance Academy si dhe Art Plus Academy, Street Party DJ nëpër rrugicat e qendrës, etj.

Ky aktivitet u pasurua me një spektakël, gërshetuar edhe me argëtim me animatorë, të cilët argëtonin fëmijët dhe të pranishmit me performancat e tyre, etj.

Fëmijëve ju dhuruan tullumbace shumëngjyrëshe dhe verore që janë simbol i kësaj feste. Përveç argëtimit fëmijëve ju realizua edhe facepainting nga animatorët e pranishëm.

Eventi u organizua në sheshin Qendror edhe në rrugicën e Muradies. Koncerti i madh u realizua në sheshin qendror kurse street party u organizua në rrugicë. Animatoret ishin të pranishëm edhe në sheshin qendror edhe në rrugicë.