Festivali i Luleve

Në datat 19-21 Maj 2022 në ambientet e TID Vlora - Qendra Historike për herë të parë u organizua “Festivali I Luleve”, një aktivitet për të gjithë dashamirësit e luleve dhe natyrës. Kjo nismë e bukur u iniciua për herë të parë në qytetin e Vlorës nga AADF, TID Vlora, me mbështetjen e Bashkisë Vlorë.

Aktivitetet ishin nga më të larmishmet, si koncertet live nga artistë të mirënjohur ndër të cilët:
Urban Band me bandën e tij live, LUS N BLUES feat Joel live, Vin Veli DJ, OXA DJ, NELLY DJ, DJ LEDION, të cilët performuan dhe organizuan edhe Street Party në rrugicën e Qendrës Historike, Justin Godard, etj.

• Grupe kërcimi dhe baleti

Star Dance Academy dhe Art Plus Academy, ishin të pranishëm për të performuar një serë interpretimesh artistike si këngë, balet, valle etj.

Gjate tre ditëve (paradite nga ora 10.00 - 13.00) eventi u shoqërua me koncerte artistike festive nga nxënësit e kopshteve/shkollave të qytetit. Nxënësit ishin të veshur me veshje festive sipas tematikes (lule, flutura, nuse pashke, etj.) dhe çdo ditë zhvillohej “Parada e Kopshteve” të qytetit e cila fillonte në fillim të Justin Godard e me pas vazhdonte më tej me mini-koncertin e përgatitur nga secili kopsht në sheshin qendror.

• Kid’s zone

Gjatë 3 ditëve të eventit nuk munguan animatoret, facepainting të vendosur ne rrugicën Justin Godard. Animatoret duke lëvizur përgjatë zonës mblidhnin të gjithë fëmijët ndërkohë që prindërit shijonin ambientet dhe shërbimet në baret e zonës.

• Organizimi I Panaireve

Në mbështetje te panairit, 20 çadra u montuan në sheshin e madh dhe rrugicat e qendrës të cilat shërbyen si ekspozitor për bizneset e luleve, artizanëve dhe punimeve te shkollave pjesëmarrëse. 30 shkolla të qytetit dhe 18 kopshte (shtetërore dhe private) u prezantuan në panair me punët e tyre dhe paradën shumëngjyrëshe me tematikën e luleve.
Përgjatë tre ditëve të eventit ishin të pranishëm edhe panairet të cilët tërhoqën një numër të konsiderueshëm vizitorësh në zonë.

Organizimi I panaireve u zhvillua ne 3 fusha dhe u vendos sipas tematikës në tre pika kryesore të zonës:

-Panairi I Artizaneve u vendos në rrugicën Justin Godard
Pati artizane të fushave të ndryshme si: të punimit të gurit, drurit, bizhuterive, çanta me thurje, sapunë të prodhuar nga artizane vendas, artizan nga Struga ”Strugane shop” I cili realizoi për eventin lolly pop e karamele ne forme lule e fluturash, etj.

-Panairi I Luleve u vendos në sheshin qendror të zonës
Morën pjese një numër I madh I biznesit të luleve të qytetit të Vlorës, të cilët sollën një larmi lulesh natyrale e pemësh, kompozime ne buqeta, etj.

-Panairi I nxënësve të shkollave 9-vjecare dhe te mesme te Qytetit u vendos ne sheshin e vogël të zonës përballë bareve e lokaleve të zonës.

Nxënësit sollën në stendat e tyre lule te realizuara me material shumëngjyrëshe, piktura e punime të tjera të realizuara sipas tematikes së eventit. Nuk mungoi as stenda ne te cilën fëmijët (të gjithë ata që kishin dëshirë) mësuan si të mbjellin lule.

Në mbështetje të këtij eventi ishte edhe kryetari I Bashkisë Vlore, Z. Dritan Leli I cili mbajti fjalimin përshëndetës të hapjes së eventit dhe vizitoi panairet e organizuara.