Halloween

Rrugica e qendrës historike u dekorua duke përdorur kunguj, rrjetat e merimangave, çadra, kapele, mbulesat e shtrigave dhe kunguj portokalli. Sheshi I bizneseve u dekorua me një sfond kështjelle të arreduar me kashtë dhe elemente të frikshëm si figura kashte të kafshëve, merimangave të mëdha dhe të vogla, sorrave, lakuriqëve të natës, kafkave dhe skeleteve. Sfondi i shtoi atmosferën festës dhe u kthye në një tendencë nëpër rrjetet sociale. Festa u shoqërua me muzikë të mirë dhe kërcim nga Art Dance Academy.

Festa nisi nga tingujt e muzikës së përzgjedhur nga Dj. Ledjon. Argëtimi ishte i pafund me animatorë, maskota, face painting, konkurse për fëmijë, lojëra, kërcime etj. Të pranishëm në event ishin grupi I kërcimit Art Dance Academy, të cilët performuan kërcime të veshur me kostume e maska posaçërisht për festën e Halloween-it.

Këtë vit, tek këndi I fotografisë u organizua parade e kostumeve. Shumë të rinj e fëmijë të veshur me kostume “të frikshme” zhvilluan një paradë për të zgjedhur kostumin fitues të festës së Halloween-it. Këtë ditë në paradë shihje veshje dhe kostume të veçanta si shenjtorë, engjëj, djaj, etj.

Dy animatore pikturonin fytyrat e fëmijëve dhe të rinjve që ishin shumë të entuziazmuar dhe zgjidhnin figurën që dëshironin të pikturonin. Në zonën historike, shume të rinj e të reja me fytyra të pikturuara mbushën baret duke i dhënë kësaj feste përmasa më të mëdha.