TOK

Shqipëria dhe Shtetet e Bashkuara të Amerikës janë bashkë për 100 vjet, që nga dita kur vendosën për herë të parë marrëdhëniet diplomatike. Që atëherë, Shqipëri - SHBA ndajnë të njëjtat vlera, mbështetje, objektiva dhe parime themelore, kështu që tani është koha për të festuar.

Ngjarjet e njëqindvjetorit na bashkojnë dhe na mbajnë të bashkuar për qindra e qindra vjet në vazhdim: TOK.
TOK është një fjalë që rezonon në të dyja gjuhët. Ndërsa në shqip do të thotë “së bashku”, në anglisht ka të njëjtin shqiptim me fjalën “talk”. Kjo temë është një nderim për historitë dhe kulturat tona, për bashkimin, bashkëpunimin dhe harmoninë tonë. Për here te pare ne Vlore kjo feste u organizua ne zonën historike TID Vlora me iniciativen e AADF, Ambasada amerikane me mbështetjen e Bashkia Vlore.

• Stendat e artizaneve

Përgjatë Muradies dhe tek sheshi I vogël I zonës u vendosen stenda me artizane, produkte bio si edhe këndi I gatimit (përgjatë gjithë eventit u përgatitën produkte amerikane dhe gatime tradicionale shqiptare të cilat ju shpërndanë të pranishmeve në event. Ishin te shumte njerëzit që degustonin këto gatime.

• Bizneset ne TID Vlora

Të gjitha bizneset e zonës, në mbështetje të aktivitetit përgjatë gjithë javës vendosën menu amerikane dhe ofruan elemente dekori amerikane në ambientet e tyre.

• Këndi i gatimit

Përgjatë ditëve të eventit, specialistet e gatimit përgatitën një larmi produktesh amerikane dhe gatimesh tradicionale shqiptare, të cilat ju shpërndanë për degustim personave të pranishëm të cilët u shfaqën tepër të interesuar për tu njohur me produktet tradicionale të zonës.

• Banda Frymore e Bashkisë Vlorë

Performanca e Bandës Frymore të Bashkisë në Sheshin Kryesor, në mbështetje të eventit.

• Teatri - Tramvaji me emrin dëshirë

Shfaqje nga Tennesee Williams e vënë në skenë për herë të parë në vitin 1947 dhe e risjelle për publikun në zonën TID Vlora nga aktorët e teatrit Petro Marko; ora 20:30 deri në orën 22:00.

• Koncerti madhështor TOK

Tingujt e muzikës e shoqëruan festën gjatë gjithë ditës. Aktivitetet ishin nga më të larmishmet, si koncertet live nga artistë të mirënjohur si: Orgesa Zaimi & Band; Landi Kalemi, etj

• Këndi i fëmijëve

Ky aktivitet u pasurua me një spektakël, gërshetuar edhe me argëtim me animatorë, të cilët argëtonin fëmijët dhe të pranishmit me performancat e tyre, etj. Fëmijët veç animacionit, ne këndin e pikturës pikturuan sipas tematikes. Përveç argëtimit fëmijëve ju realizua edhe facepainting nga animatorët e pranishëm.

• Këndi i pikturës

Kënd pikture për fëmijë nen kujdesin e disa piktoreve nga qyteti I Vlorës. Çdo ditë të eventit nga ora 19:00 deri ne 21:00.

• Degustimi i produkteve bio dhe vajit te ullirit

Në ambientet e Foleza u realizua degustimi i produkteve bio dhe vajit te ullirit. Pati një interes të konsiderueshëm nga vizitoret e zonës dhe te ftuarit. E ftuar për te folur rreth vetive e cilësive te vajit të ullirit n/kryetare e Bashkisë Vlorë Znj. Aulona Veizi.

• Java Amerikane TOK

Ne mbështetje te marrëdhënieve Shqipëri – SHBA mbajtën fjalim Kryetari i Bashkisë Vlore, përfaqësuesi i AADF, personazhe e figura te njohura te qytetit.

• Kuriozitete amerikane/shqiptare për audiencën

Moderatorja Erjona Ismaili gjate ditëve që organizohej eventi “TOK“ prezantoi kuriozitete amerikane/shqiptare për audiencën.
DJ Party
Përgjatë ditëve të eventit, DJ e ftuar, përzgjodhën këngë e muzikë në mbështetje të tematikës së eventit.