Investo dhe Rritu

Qyteti i Vlorës ndodhet në jug-perëndim të Shqipërisë dhe është një nga qytetet më të mëdha në vend. Laget nga deti Adriatik dhe Jon duke i dhënë mundësi të shfrytëzojë potencialin e të dyve. Zhvillimi ekonomik i Bashkisë Vlorë bazohet më së shumti në industrinë e turizmit dhe shërbimet. Vizitorët janë të shumtë, si vendas ashtu edhe të huaj dhe numri është rritur sidomos në vitet e fundit. Falë investimeve të mëdha në infrastrukturë dhe në fusha të tjera, Vlora është kthyer në një nga destinacionet e preferuara në Mesdhe.

TID Vlora shtrihet në zonën e vjetër historike të qytetit të Vlorës. Kjo zonë ka një rëndësi të veçantë jo vetëm për qytetin por për gjithë Shqipërinë, pasi është qyteti i shpalljes së Pavarësisë. Zona është e mbushur me muze, galeri arti dhe objekte të shpallura monument kulture dhe mirëpret më shumë se 1 milion vizita gjatë gjithë vitit. Të jesh pjesë e kësaj zone ofron një mundësi të pakrahasueshme zhvillimi. TID Vlora ka ende hapësira për sipërmarrës të rinj që duan të zhvillojnë idetë dhe biznesin e tyre.