Vintage Lux

Vintage Lux është një botë e vogël tradicinale që ju kthen pas në Shqipërinë e vjetër. Në Vintage Lux ju do të gjeni punime artizanale dhe objekte të punuara me dorë e me një përkujdesje të veçantë ndaj detajeve. Qëndisjet artizanale plot ngjyra e motive, veshjet popullore të zonës, janë të paraqitura përgjatë rrugës Justin Godart si një sfilatë që ju kthen pas në kohë.

Vintage Lux Albania është ndër dyqanet e parë të hapur në Qendrën Historike Vlorë dhe momentalisht ofron produkte të ndryshme si: objekte të vjetra dhe antike kryesisht shqiptare, por edhe koleksione nga gjithë bota, objekte të punuara me dorë në materiale druri, metal, gur, beze të qëndisura, qilima të punuar në tezgjah apo punë të artizanëve të ndryshëm.

Produktet më unike që do të gjeni këtu janë tapiceritë me qilima të vjetër, jastëkët, deri tek çantat e portofolët e ndërthurur me aksesorë moderne për të nxjerrë një produkt unik.

Vizitorit dhe klientit të dyqanit i ofrohet, përveç produktit cilësor, një shpjegim i detajuar mbi historikun, kuptimin, origjinën e çdo objekti. Vintage Lux është krenare për prezantim e denjë të qytetit të Vlorës dhe Shqipërisë.