Pazari i Vjetër i Gjirokastrës është një destinacion magjepsës për këdo që është i interesuar për historinë, arkitekturën dhe kulturën tradicionale shqiptare. Pazari daton në periudhën osmane dhe është një nga shembujt më të ruajtur të arkitekturës së epokës osmane në Ballkan. Ai është i vendosur në zemër të qytetit të vjetër të Gjirokastrës, të mbrojtur nga UNESCO, dhe karakterizohet nga rrugët e ngushta, dredha-dredha të veshura me ndërtesa tradicionale prej guri dhe druri. Pazari dikur ishte një qendër e rëndësishme tregtare, ndërkohë sot ai është kthyer në një prej destinacioneve kryesore turistike për turistët që kërkojnë të eksplorojnë historinë dhe kulturën e pasur të Shqipërisë.

Tregu është shtëpia e një sërë dyqanesh që ofrojnë produkte artizanale, tekstile, bizhuteri dhe suvenire. Për me tepër, përgjatë pazarit janë të vendosur një sërë njësish akomodimi, bare e restorante ku mund të provohen pije dhe gatime tradicionale. Vizitorët mund të eksplorojnë gjithashtu ndërtesat historike dhe monumentet në zonë, duke përfshirë Kalanë e Gjirokastrës, Muzeun Etnografik dhe Xhaminë e Pazarit.