Zona TID Kruja ose Pazari i Vjetër i Krujës, është një treg historik i cili daton prej shekullit të 15-të dhe ka shërbyer për shekuj me radhë si një qendër e rëndësishme e tregtisë gjatë epokës osmane. Pazari është i vendosur në kodër me pamje nga qyteti i Krujës dhe karakterizohet nga rrugët e tij të ngushta me kalldrëm, ndërtesat tradicionale të stilit otoman dhe atmosfera e gjallë. Brenda zonës së pazarit turistët dhe vizitorët do të gjejnë dhjetëra dyqane dhe tezga që ofrojnë një sërë produktesh dhe shërbimesh. Përveç kësaj brenda zonës së Pazarit të Vjetër gjenden disa monumente të rëndësishme historike, duke përfshirë Muzeun Etnografik, i cili tregon mënyrën tradicionale të jetesës në Krujë dhe rajonin përreth, dhe Teqenë e Bektashinjve, një faltore e shekullit të 15-të dhe vend pelegrinazhi për myslimanët bektashinj.

Në lidhje me administrimin, objektivat kryesorë të organizatës TID Kruja janë promovimi dhe menaxhimi i zonës TID. Po ashtu shoqata synon ofrimin e mundësive për t’iu përshtatur më mirë nevojave gjithmonë e në ndryshim të komunitetit dhe biznesit e për të sjellë një mekanizëm vetë administrimi shumë-palësh që punon në nivel lokal për të përmirësuar zonën.