Vlora e Vjetër

MMes historisë dhe traditës së vjetër vlonjate, BID Vlora, ose Vlora e vjetër është një zonë historike e qytetit me ndërtesa të vjetra që datojnë nga shekulli I 19 e deri në shekullin e 20. E rinovuar së fundmi, zona ofron një ndërthurje mes së vjetrës dhe shërbimeve moderne. Ndërtesat shumëngjyrëshe dhe rruga e vjetër Justin Godard është kthyer së fundmi në atraksionin e preferuar për të shkrepur një foto, për të shijuar një pije me miqtë, provuar një gatim tradicional dhe vizituar monumentet e kulturës së zonës. Ndër pasuritë kulturore në zonë ju mund të vizitoni Muzeun Etnografik, Muzeun e Pavarësisë, rrugën e Hebrenjve, Klubin Labëria, Sahatin e qytetit, e të shijoni pamjen e godinave të vjetra të qytetit.

Nata vjen ndryshe në Vlorën e Vjetër, me evente të shumta. Muzikë live, aktivitete kulturore të natyrave të ndryshme që ju mund ti ndani me miqtë dhe familjarët tuaj. Ajo që duhet të bëni është të ndiqni kalendarin tonë I cili përditësohet vazhdimisht, të ftoni një mik apo një mikeshë, e të na bashkoheni për një natë plot gjallëri.

Nëse dëshironi të provoni diçka tradicionale, këtu do të gjeni restorante të cilat do të servirin një pjatë të ngrohtë tradicionale për kënaqësinë tuaj. Vlora është e njohur për kuzhinën e saj të shijshme që përmban një përzierje unike të shijeve mesdhetare dhe ballkanike. Disa nga pjatat që duhet të provoni përfshijnë Tave Kosi, një tavë tradicionale shqiptare me qengj dhe kos, dhe Fergese, një pjatë pikante me domate dhe djathë. Menuja është shumë e gjerë se kaq kështu që nëse jeni të uritur, vendosni drejtimin në hartë dhe eja vizito një prej restoranteve në zonë.

Nëse pasditja juaj është bosh, ejani shijoni disa momente të këndshme në një prej bareve dhe lokaleve të zonës. Disa prej tyre do të shërbejnë për ju pije të përgatitura vetë. Një limonatë e shtëpisë mund të jetë ajo që I duhet pasdites suaj! Për ata që kanë dëshirë të ndajnë një gotë rakie dhe vere me miqtë, do ti gjeni të gjitha të zonës.

Përpara se të largoheni, mos harroni të merrni një suvenir me vete. Dyqanet e zonës dhe artizanët kanë punuar me kujdes produkte të shumëllojshme që do të zbukuronin vitrinën tuaj të preferuar. Ju mund ti ktheni kujtimet tuaj në të prekshme dhe të bëheni pjesë e historisë qindravjeçare të Vlorës së vjetër. Një pikturë, një suvenir, një qilim I vjetër, mund të jetë dhurata perfekte për ju.

Nëse nuk keni dëshirë të largoheni, gjeni një prej hoteleve në zonë. Të përshtatura me një stil karakteristik tradicional, mes historisë dhe kulturës, ju do të kaloni një natë pas në kohë.

Vlora e vjetër ka shumë për të ofruar, vendos një pikë në hartë dhe eja shkrep një moment historik.