Kulla e Sahatit

Sahati Kompleks
Objekti është ndërtuar në vitin 1918. Është ndërtuar me interesin e zotit Ali Asllani (kryetar i Bashkisë në atë kohë) dhe është financuar nga tregtarët e qytetit. Përveç anës funksionale, objekti ka edhe vlera të mëdha arkitektonike. Tregu dhe ora janë projektuar nga specialistë italianë. Ka shërbyer si pikë referimi për qytetin dhe qendrën tregtare. Në këtë objekt kemi futjen e strukturave dhe teknologjive të reja si lidhësit e betonit të armuar dhe çimentos portland. Në vitin 1996, ndërtesa u restaurua si në fasadat e brendshme ashtu edhe të jashtme. Vlerë të madhe arkitektonike në këtë monument është prania e ornamenteve në korniza dhe rozeta me motive patriotike, nga të cilat veçojmë: portretin e Gjergj Katriot Skënderbeut me pamje nga balli i objektit, dhe shqiponjën dykrenare me pamje nga lindja. Çatia është e ndërtuar me rrasa betoni te armuar, çati druri me tjegulla fshati. Muret janë tulla dhe të suvatuara me llaç gëlqereje.